نكت أزواج - النكت - بوابة مفتاح العرب

> نكت أزواج

الموضوعات

واحده بلدياتنا قالت لجوزها قولى كلمه حلوه ، قال لها بسبوسه قالت له يا اخى قولى كلمه تهزنى ، قال لها مرجيحه قالت له قولى كلمه احس فيها انى مراتك قال لها انتى طالق

واحدة اتجوزت واحد شخصيته مهزوزة . ركبت له أريل

واحد مشغول اتجوز واحدة مشغولة خلفوا ولد مش فاضلهم

وحده تقول لزوجها ادبح خروفين بمناسبة مرور 25 سنه على زواجنا قال زوجها طيب و إيه ذنب الخروفين في غلطه انا ارتكبتها من 25 سنه

واحد قالو له الحق مراتك قاعدة مع صاحبك في البستان راح جاري ورجع على طول وقال لهم هم شجرتين عملتوهم بستان والراجل طلع لا صاحبي ولا اعرفو

مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!! لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب... الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها

مره واحد بيقول لواحد صاحبه: اسكت مش انا حماتى ماتت امبارح... قاله لا حول الله يا رب... ماتت ازاى الست دى؟ قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى... قاله لأ.. ماهى ماوقعتش على الارض... قاله امال ماتت ازاى؟ قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا... قاله لأ يا عم.. ماهى الكهرباء كانت مقطوعه... قاله امال ماتت ازاى بس؟ قاله اصل السلك نطرها في حمام السباحه... قاله لا اله الا الله ماتت غرقانه... قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟ قاله ما انا لما ما لقيتش فايدة رحت خانقها بالإيشارب

مره كل ستات الارض اتجمعو واتفقو علي حاجه هي ان مفيش ولا واحده فيهم هتعمل اي حاجه في شغل البيت لمده اسبوع ، فات الاسبوع وعملو اجتماع تاني قالت الست الفرنسيه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأ هو بيعمل شغل البيت قالت الست الهنديه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه تالت يوم بدأ يخرجنا بره البيت وناكل بره علشان مش نبهدل البيت قالت الست المصريه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأت اشوف شويه بعيني الشمال..

فيه واحد عصبي قال لمراته نكته قالت ها هاها بايخه قال لها هاهاها انتى طالق

لوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده

مرة واحدة صحت من النوم الفجر ملقتش جوزها جنبها.. لبست الروب وقعدت تدور عليه لقته قاعد فى المطبخ وحاطط فنجان قهوه قدامه ومستغرق فى التفكير لاحظت دموع نازلة من عينيه سألته ايه الموضوع ؟ قاعد لوحدك ليه فى نص الليل؟؟؟ قالها فاكرة لما اتواعدنا من عشرين سنة ؟؟؟ قالتله اه فاكرة قالها: فاكرة لما شافنا أبوكي واحنا في العربية؟؟؟ قالتله: آه فاكرة قالها: فاكرة لما حط مسدسه في وشي وقالي يا تتجوزها يا اسجنك عشرين سنة؟؟؟ قالتله: آه فاكرة نزلت الدموع من عينه وقالها: لو كنت دخلت السجن كنت خرجت النهاردة

واحد بيقول لمراته تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الرابع

نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا عشان يعرفوا النتايج الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة... تاني يوم بدأ يعمل الاكل تالت يوم غدانى وعشانى بره الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم ابتديت أشوف شوية بعيني الشمال